മട്ടന്നൂർ : കണ്ണൂർ ജില്ലയില്‍ വീണ്ടും വൻ മയക്കുമരുന്ന് വേട്ട. വിമാനത്താവളത്തിനടുത്തെ ചാലോട് മയക്കുമരുന്നുമായി യുവാക്കള്‍ പിടിയിലായി.
16.817 ഗ്രാം മെത്താഫിറ്റാമിറ്റാമിനുമായി രണ്ട് യുവാക്കളെയാണ് കുത്തുപറമ്ബ് എക്സൈസ് അറസ്റ്റ് ചെയ്തത്. ഇവർക്കെതിരെ ആൻ്റി നർക്കോട്ടിക്ക് ആക്റ്റു പ്രകാരം കേസെടുത്തിട്ടുണ്ട്.
കൂത്തുപറമ്പ് എക്സൈസ് സർക്കിള്‍ ഇൻസ്പെക്ടർ എ.കെ വിജേഷിന്റെ നേതൃത്വത്തില്‍ ചാലോട് ഭാഗത്ത്‌ നാഗവളവ്-എളമ്പാറക്ക് സമീപത്തു നിന്നും ചൊവ്വാഴ്ച്ച പുലർച്ചെ മൂന്ന് മണിക്കാണ് എക്സൈസ് റെയ്ഡ് നടത്തിയത്. പരിശോധനയില്‍ 16.817 ഗ്രാം മെത്താ ഫിറ്റമിനുമായി രണ്ട് യുവാക്കളാണ് അറസ്റ്റിലായത്.
വാരം ബൈത്തുല്‍ റാഫാസില്‍ മുഹമ്മദ് ആഷിക്ക് (26) മുഴപ്പിലങ്ങാട്ട്, കുളം ബസാർ ഇ.എം.എസ് റോഡില്‍ കെൻ സിൻ മുഹമ്മദ് ഫാഹിം (25) എന്നിവരെയാണ് അറസ്റ്റ് ചെയ്തത്. പ്രതികളെ തുടർ നടപടികള്‍ക്കായി പിണറായി എക്സൈസ് റേഞ്ച്‌ ഓഫീസില്‍ ഹാജരാക്കി.
എക്സൈസ് കമ്മീഷണർ സ്ക്വാഡ് ഉത്തര മേഖലാ സർക്കിള്‍ ഇൻസ്പെക്ടർ സിനു കോയില്യത്തിന് ലഭിച്ച വിവരത്തിന്റെ അടിസ്ഥാനത്തില്‍ കമ്മീഷണർ സ്ക്വാഡ് അംഗങ്ങളും കൂത്ത്പറമ്പ് എക്സൈസ് സർക്കിള്‍, എക്സൈസ് ഇന്റലിജൻസ് കണ്ണൂർ എന്നിവരുടെ സംയുക്ത നീക്കത്തിലാണ് പ്രതികള്‍ പിടിയിലായത്.
മയക്ക് മരുന്ന് കടത്താൻ ഉപയോഗിച്ച കാറും കസ്റ്റഡിയില്‍ എടുത്തു. കമ്മീഷണർ സ്ക്വാഡ് അംഗങ്ങള്‍ ആയ ഗണേഷ്, ജലീഷ്, എന്നിവർക്കൊപ്പം സുഹൈല്‍, രജിത്ത് എൻ. അജിത്ത് സി, എക്സൈസ് ഇന്റലിജൻസിലെ സുകേഷ് കുമാർ വണ്ടിച്ചാലില്‍, ഉത്തമൻ.കെ, കൂത്തുപറമ്പ് റെയിഞ്ചിലെ അശോകൻ കെ. ഹരി കൃഷ്ണൻ സി, സോള്‍ദേവ്, കൂത്തുപറമ്പ സർക്കിള്‍ ഓഫിസിലെ ഷാജി.യു, പ്രമോദൻ പി, സതീഷ് വിളങ്ങോട്ട് ഞാലില്‍, ബിനീഷ്, ഷാജി. സി.പി., ബിജു എന്നിവരും റെയ്ഡില്‍ പങ്കെടുത്തു.
