അഞ്ചരക്കണ്ടി: അഞ്ചരക്കണ്ടി ടൗണില് സീബ്രാ ലൈൻ മാഞ്ഞു പോയത് കാല്നട യാത്രക്കാർക്ക് ദുരിതമായി മാറുന്നു. തലശേരി - അഞ്ചരക്കണ്ടി റോഡിലാണ് സീബ്രാ ലൈൻ മാഞ്ഞു പോയത് മറ്റിടങ്ങളിലും ഇതു തന്നെയാണ് സ്ഥിതി.
സീബ്രാ ലൈൻ ഇല്ലാത്തതു കാരണം റോഡ് മുറിച്ചു കടക്കുന്നവർ അപകട ഭീഷണിയിലാണ്.
വാഹനങ്ങള് കാല്നട യാത്രക്കാരെ കാണുമ്പോള് നിർത്തുകയോ ഇവർക്ക് കടന്ന് പോകാനുള്ള സൗകര്യം നല്കുകയോ ചെയ്യുന്നില്ല എതിർ വശത്തുള്ള ബസ് സ്റ്റോപ്പിലും സബ് രജിസ്ട്രാർ ഓഫീസിലും യു.പി സ്കൂളിലുമൊക്കെ വിദ്യാർത്ഥികള് ഉള്പ്പെടെ നൂറ് കണക്കിനാളുകളാണ് സ്വജീവൻ പണയം വെച്ച് റോഡ് മുറിച്ചു കടക്കുന്നത്.
സ്വകാര്യ ബസുകളില് നിന്നുള്പ്പെടെ യാത്രക്കാർ നേരിടുന്ന അപകട ഭീഷണി ഒഴിവാക്കുന്നതിനായി അടിയന്തിരമായി സീബ്രാലൈൻ പുന:സ്ഥാപിക്കണമെന്നാണ് നാട്ടുകാരുടെ ആവശ്യം.
