തലശ്ശേരി സർക്കിൾ സഹകരണ യൂണിയൻ നേതൃത്വത്തിൽ എഴുപത്തൊന്നാമത് അഖിലേന്ത്യാ സഹകരണ വാരാഘോഷത്തിൻ്റെ ഭാഗമായി പിണറായിയിൽ സംഘടിപ്പിക്കുന്ന സഹകരണോത്സവം 2024 ന് സംഘാടക സമിതി രൂപീകരിച്ചു. സംഘാടക സമിതി രൂപീകരണ യോഗം തലശ്ശേരി സർക്കിൾ സഹകരണ യൂണിയൻ ചെയർമാൻ ടി അനിൽ ഉദ്ഘാടനം ചെയ്തു. പിണറായി സഹകരണ ബാങ്ക് പ്രസിഡന്റ് കെ സുധാകരൻ അധ്യക്ഷനായി. സർക്കിൾ സഹകരണ യൂണിയൻ അംഗം കെ യു ബാലകൃഷ്ണൻ, അസി. രജിസ്ട്രാർ എ കെ ഉഷ, ബാങ്ക് സെക്രട്ടറി എ ശ്രീഗണൻ എന്നിവർ സംസാരിച്ചു.
നവംബർ 16 ന് പകൽ 2.30 ന് പിണറായി ബാങ്ക് ഓഡിറ്റോറിയത്തിൽ സഹകരണ സംഘം ഭരണസമിതി അംഗങ്ങൾക്കും ജീവനക്കാർക്കുമായി സംഘഗാനം, തിരുവാതിരക്കളി, ഒപ്പന ഇനങ്ങളിൽ മത്സരം നടക്കും. സഹകരണ വാരാഘോഷത്തിൻ്റെ ഭാഗമായി സംഘടിപ്പിക്കുന്ന ഫുട്ബോൾ, കമ്പവലി മത്സരങ്ങൾ നവമ്പർ ആറിന് വൈകീട്ട് നാലിന് കതിരൂർ ബാങ്ക് ടർഫിൽ നടക്കും.
