തളിപ്പറമ്പ്: തളിപ്പറമ്പില്‍ അനുവദിച്ച കുടുംബ കോടതി ഉടൻ പ്രവർത്തിപ്പിക്കണമെന്നും അഡി.സെഷൻസ് കോടതിയില്‍ സ്ഥിരം പ്രോസിക്യൂട്ടറെ നിയമിക്കണമെന്നും ആവശ്യപ്പെട്ട് തളിപ്പറമ്പ് ബാർ അസോസിയേഷൻ പ്രസിഡന്റ് അഡ്വ.ദിലീപ്‌ കുമാർ, അഡ്വ. മുഹമ്മദ് ഹനീഫ, ലോയേർസ് യൂണിയൻ നേതാക്കളായ അഡ്വ.എം.കെ.വേണു ഗോപാല്‍, അഡ്വ.സുരേഷ് എന്നിവർ മുഖ്യമന്ത്രിയെ നേരില്‍ കണ്ട് നിവേദനം നല്‍കും.
രണ്ടു വർഷം മുമ്പ് തളിപ്പറമ്പില്‍ കുടുംബ കോടതി അനുവദിച്ച്‌ ഹൈക്കോടതി ഉത്തരവ് പുറപ്പെടുവിച്ചിരുന്നു.
കെട്ടിടവും അനുബന്ധ സൗകര്യങ്ങളും ഒരുങ്ങിയെങ്കിലും ജഡ്‌ജിയെയും ജീവനക്കാ രെയും നിയമിച്ചിരുന്നില്ല. തളിപ്പറമ്പിലെയും മലയോര പ്രദേശങ്ങളിലെയും ഹർജിക്കാർ നിലവില്‍ കണ്ണൂർ, തലശ്ശേരി കുടുംബ കോടതികളെയാണ് ആശ്രയിക്കുന്നത്.
കക്ഷികള്‍ക്കും അഭിഭാഷകർക്കും ഒരു പോലെ പ്രയാസമായ സാഹചര്യത്തിലാണ് മുഖ്യമന്ത്രിയെ നേരില്‍കണ്ട് നിവേദനം നല്‍കാൻ ബാർ അസോസിയേഷൻ തീരുമാനിച്ചത്.
