ചക്കരക്കല്‍ : വിളക്കില്‍ നിന്നും വസ്ത്രത്തില്‍ തീപിടിച്ച്‌ പൊള്ളലേറ്റ വയോധിക ചികിത്സയ്ക്കിടെ മരിച്ചു.
ചക്കരക്കല്‍ പൊലിസ് സ്റ്റേഷൻ പരിധിയിലെ മുണ്ടേരി കച്ചേരി പറമ്പില്‍ പരേതനായ തളി മഠത്തില്‍ നാരായണൻ നമ്പ്യാരുടെ ഭാര്യ പി.ആർ അംബുജാക്ഷി (81)യാണ് പരിയാരത്തെ കണ്ണൂർ മെഡിക്കല്‍ കോളേജാശുപത്രിയില്‍ ചികിത്സയിലിരിക്കെ മരിച്ചത്.
ജനുവരി 14 നാണ് ഇവർക്ക് പൊളളലേറ്റത്. വീട്ടില്‍ നിന്നും പൂജാ മുറിയിലെ വിളക്കിനടുത്തു പോയി വിഗ്രഹം തൊട്ട് തലയില്‍ വയ്ക്കാൻ കുനിഞ്ഞപ്പോള്‍ വസ്ത്രത്തിന് തീ പിടിക്കുകയായിരുന്നു.
