പിണറായി എക്സൈസ് റെയിഞ്ച് ഇൻസ്പെക്ടർ പ്രമോദ് കെ. പി. യും പാർട്ടിയും രഹസ്യവിവരത്തിൻ്റെ അടിസ്ഥാനത്തിലാണ് റെയ്ഡ് നടത്തിയത്
പാതിരിയാട്ടെ ലക്ഷ്മി കാഞ്ഞാങ്കണ്ടിയുടെ ഒഴിഞ്ഞ് കിടന്നിരുന്ന വീടിൻ്റെ അടുക്കളയിൽ വെച്ച് ചാരായം വാറ്റുന്നതിനിടയിലാണ് കീഴത്തൂർ സ്വദേശികളായ സി.എൻ.ബിജു ( 46), സി. സന്തോഷ് സി. (48)എന്നിവരെ അറസ്റ്റ് ചെയ്തത്.. 10 ലിറ്റർ ചാരായവും, 100 ലിറ്റർ വാഷും, വാറ്റുപകരണങ്ങളും പിടികൂടി. പ്രതികളെ കോടതി റിമാൻഡ് ചെയ്തു.
അസി: എക്സൈസ് ഇൻസ്പെക്ടർ (ഗ്രേഡ്) എം.രമേശൻ, പ്രിവന്റീവ് ഓഫീസർ (ഗ്രേഡ്) എം.സി വിനോദ് കുമാർ, ജിനേഷ് നരിക്കോടൻ സിവിൽ എക്സൈസ് ഓഫീസർമാരായ കെ.ഉമേഷ്, കെ. നിവിൻ സിവിൽ എക്സൈസ് ഓഫീസർ ഡ്രൈവർ ബിനീഷ് എന്നിവരും സംഘത്തിലുണ്ടായിരുന്നു
