മലയോരമേഖലയില്‍ വ്യാപാര സ്ഥാപനങ്ങള്‍ നടപ്പാത കൈയേറുന്നതായി പരാതി. ചപ്പാരപ്പടവ്, കരുവഞ്ചാല്‍, ആലക്കോട്, നടുവില്‍, തേർത്തല്ലി ടൗണുകളിലെ ചില വ്യാപാരികള്‍ കടകള്‍ക്കു മുന്നിലായുള്ള നടപ്പാതകള്‍ കൈയടക്കുന്നതു കാരണം കാല്‍നടയാത്രികർ റോഡിലൂടെ നടക്കേണ്ടി വരുന്നതായാണ് പരാതി.
കടകളോട് ചേർന്നുള്ള നടപ്പാതയില്‍ വില്പനയ്ക്കുള്ള സാധനങ്ങള്‍ നിരത്തി വെക്കുന്നത് പതിവാണ്.
നടപ്പാത കൈയേറ്റത്തിന് നടപടി ഉണ്ടാകണമെന്ന് ആവശ്യപ്പെട്ട് പഞ്ചായത്തിലും പോലീസിലും പരാതി നല്‍കിയിട്ടും നടപടി ഉണ്ടാകുന്നില്ലെന്നും ആക്ഷേപമുണ്ട്. ഇതു സംബന്ധിച്ച്‌ പൗരാവകാശ സമിതി കണ്‍വീനർ കെ.സി. ലക്ഷ്മണൻ ആലക്കോട് പഞ്ചായത്ത് സെക്രട്ടറിക്ക് പരാതി നല്‍കി.
