കൂത്തുപറമ്പ്: 2025-26 സാമ്പത്തിക വർഷത്തെ ജനകീയ ആസൂത്രണ പദ്ധതികളുടെ ഭാഗമായി കാർഷിക മേഖലയിൽ പുതിയ ചുവടുവെപ്പുമായി കൂത്തുപറമ്പ് ബ്ലോക്ക് പഞ്ചായത്ത്.
'പോഷക സമൃദ്ധി മിഷൻ - വനിതാ കൂട്ടായ്മകൾക്ക് വിത്ത്, നടീൽ വസ്തുക്കളുടെ വിതരണം' പദ്ധതിയുടെ ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് ശ്രീ മുഹമ്മദ് ഫായിസ് അരൂൾ നിർവഹിച്ചു. വൈസ് പ്രസിഡന്റ് ശ്രീമതി ഗിരിജ കല്യാടൻ ചടങ്ങിൽ അധ്യക്ഷത വഹിച്ചു.
പദ്ധതിയുടെ പ്രധാന വിവരങ്ങൾ:
• ഗുണഭോക്താക്കൾ: കൂത്തുപറമ്പ് ബ്ലോക്ക് പഞ്ചായത്തിന് കീഴിലുള്ള ചിറ്റാരിപ്പറമ്പ്, മാങ്ങാട്ടിടം, കോട്ടയം-മലബാർ, പാട്ട്യം, തൃപ്പങ്ങോട്ടൂർ, കുന്നോത്ത്പറമ്പ് എന്നീ 6 പഞ്ചായത്തുകളിലെ 364 വനിതാ ഗ്രൂപ്പുകൾക്ക് പദ്ധതിയുടെ പ്രയോജനം ലഭിക്കും.
• വിതരണം ചെയ്യുന്നവ: പച്ചക്കറി തൈകൾ, ചേന, മഞ്ഞൾ, വാഴക്കന്ന് തുടങ്ങിയവയാണ് പ്രധാനമായും വിതരണം ചെയ്യുന്നത്.
• ചെലവ്: ഏകദേശം 11 ലക്ഷം രൂപയാണ് ഈ പദ്ധതിക്കായി വകയിരുത്തിയിരിക്കുന്നത്.
ചടങ്ങിൽ കൃഷി അസിസ്റ്റന്റ് ഡയറക്ടർ ശ്രീമതി ആതിര പി.സി സ്വാഗതവും പദ്ധതി വിശദീകരണവും നടത്തി.
വികസന സ്റ്റാൻഡിങ് കമ്മിറ്റി ചെയർമാൻ ബിജിഷ കെ., ആരോഗ്യ സ്റ്റാൻഡിങ് കമ്മിറ്റി ചെയർമാൻ പവിത്രൻ പി.പി, ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ഒ.കെ അനുരാധ ടീച്ചർ, ബി.ഡി.ഒ മുന്ന പി. സദാനന്ദ് എന്നിവർ സംസാരിച്ചു.
ബ്ലോക്ക് പഞ്ചായത്ത് മെമ്പർമാരായ എം. കലാവതി, സൗമ്യ കാരായി, സി.സി സഹിൽരാജ് മാസ്റ്റർ, എൻ.വി ഷനിജ, മുനീറ സുഹൈർ, റെജുല പി.ഒ, ഉഷ എം. വലിയപറമ്പത്ത്, എൻ. സുധീർ ബാബു എന്നിവരും കൃഷി ഓഫീസർമാരായ അഖില കെ., സൗമ്യ എ., അശ്വതി ആർ എന്നിവരും പങ്കെടുത്തു. ശ്രീ ഉല്ലാസ് വി.എസ് ചടങ്ങിൽ നന്ദി രേഖപ്പെടുത്തി.
