മട്ടന്നൂർ നഗരസഭയ്ക്ക് വീണ്ടും ദേശീയതലത്തിൽ തിളക്കമാർന്ന അംഗീകാരം. കേന്ദ്ര സർക്കാരിന്റെ സ്വച്ഛ് ഭാരത് മിഷൻ പദ്ധതിയുടെ ഭാഗമായുള്ള 'സ്വച്ഛ് സിറ്റി ഓഫ് കേരള' അവാർഡിന് മട്ടന്നൂർ നഗരസഭ അർഹമായി.
ന്യൂഡൽഹിയിൽ നടന്ന ചടങ്ങിൽ രാഷ്ട്രപതിയിൽ നിന്നും മട്ടന്നൂർ നഗരസഭ ചെയർമാൻ എൻ ഷാജിത്ത് പുരസ്‌കാരം ഏറ്റുവാങ്ങി. ശുചിത്വ രംഗത്തും മാലിന്യ സംസ്കരണത്തിലും നഗരസഭ നടപ്പിലാക്കിയ മാതൃകാപരമായ പ്രവർത്തനങ്ങളാണ് ഈ ചരിത്ര നേട്ടത്തിന് അർഹമാക്കിയത്.
