കൂത്തുപറമ്പ്: 1994 നവംബർ 25 ന് കൂത്തുപറമ്പിലുണ്ടായ പോലീസ് വെടിവെപ്പിൽ കൊല്ലപ്പെട്ട എസ്എഫ്ഐ നേതാവ് കെ വി റോഷൻ അനുസ്മരണത്തിന്റെ ഭാഗമായി വിദ്യാർത്ഥി റാലി സംഘടിപ്പിച്ചു. എസ്എഫ്ഐ ജില്ലാ കമ്മിറ്റിയുടെ നേതൃത്വത്തിൽ മാറോളിഘട്ട് ടൗൺ സ്ക്വയറിൽ നടന്ന നടന്ന അനുസ്മരണ പരിപാടി എസ്എഫ്ഐ അഖിലേന്ത്യ വൈസ് പ്രസിഡണ്ട് നിതീഷ് നാരായണൻ ഉദ്ഘാടനം ചെയ്തു.
ജില്ലാ പ്രസിഡണ്ട് ടി പി അഖില അധ്യക്ഷയായി . സംസ്ഥാന സെക്രട്ടറിയേറ്റ് അംഗം വൈഷ്ണവ് മഹേന്ദ്രൻ , സംസ്ഥാന കമ്മറ്റി അംഗങ്ങളായ വിഷ്ണു പ്രസാദ്, ശരത് രവീന്ദ്രൻ , ജില്ല സെക്രട്ടറി പി എസ് സഞ്ജീവ്, കെ നിവേദ് ,ആദർശ് പാട്യം, അഭിനവ് അളോക്കൻ തുടങ്ങിയവർ പ്രസംഗിച്ചു. പാലത്തുംങ്കരയിൽ നിന്നും ആരംഭിച്ച റാലിയിൽ നൂറുകണക്കിന് വിദ്യാർത്ഥികൾ പങ്കെടുത്തു
