അഞ്ചരക്കണ്ടി : അഞ്ചരക്കണ്ടിക്ക് സി.പി.എം ബ്രാഞ്ച് ഓഫിസിന് തീയിട്ടു. കല്ലായിയിലെ ഇ.എം എസ് സ്മാരക മന്ദിരത്തിനാണ് തീയിട്ടത്.
മുൻവശത്തെ വാതിലിന് മുൻപിലെ കട്ടിളയില്‍ പെട്രോള്‍ ഒഴിച്ചു കത്തിക്കുകയായിരുന്നു. കാര്യമായ നാശ നഷ്ടങ്ങളുണ്ടായിട്ടില്ല.
അക്രമത്തിന് പിന്നില്‍ ആർ.എസ്.എസ് പ്രവർത്തകരാണെന്ന സി.പി.എം പ്രാദേശിക നേതൃത്വം ആരോപിച്ചു. ഇന്ന് പുലർച്ചെയാണ് തീ വെച്ചത് നാട്ടുകാർ കണ്ടത്. സംഭവത്തില്‍ പൊലീസ് ബ്രാഞ്ച് സെക്രട്ടറിയുടെ പരാതിയില്‍ കേസെടുത്ത് അന്വേഷണമാരംഭിച്ചിട്ടുണ്ട്.
