മട്ടന്നൂർ: കൂടാളി ബങ്കണ പറമ്പില്‍ വാടക വീട് കേന്ദ്രീകരിച്ച്‌ അണ്ടപ്പരിപ്പ് കച്ചവടം നടത്തുന്നതിൻ്റെ മറവില്‍ എം.ഡി.എം.എ വിറ്റ യുവാവ് അറസ്റ്റില്‍.
എടയന്നൂർ സ്വദേശി അഷ്‌റഫാണ് (37) പിടിയിലായത്. ഇയാള്‍ എം ഡി എം എ വില്‍പന നടത്തുന്നായി മട്ടന്നൂർ പൊലീസിന് രഹസ്യ വിവരം ലഭിച്ചതിനെ തുടർന്ന് എസ് ഐ ലിനേഷ്, സജീവൻ സിവില്‍ പൊലീസ് ഓഫീസർ വിനീഷ് എന്നിവരുടെ നേതൃത്വത്തില്‍ വ്യാഴാഴ്ച്ച രാത്രി വാടക വീട്ടില്‍ പരിശോധന നടത്തി.
3.05ഗ്രാം എംഡിഎംഎ യാണ് റെയ്ഡില്‍ പിടിച്ചെടുത്തത്. രണ്ട് വർഷത്തോളമായി അഷ്റഫ് ബങ്കണപറമ്പിലെ വാടക വീട്ടില്‍ അണ്ടിപ്പരിപ്പ് വില്‍പ്പന നടത്തി വരികയാണ്.
അണ്ടിപ്പരിപ്പ് വില്‍പ്പനയുടെ മറവിലാണ് ലഹരി ഇടപാടുകള്‍ നടത്തി വന്നത്. നാടിന്റെ സമാധാനം തകർക്കുന്ന ഇത്തരം ആളുകള്‍ക്ക് എതിരായി പൊതു ജനങ്ങള്‍ ജാഗ്രത പുലർത്തണമെന്ന് മട്ടന്നൂർ പൊലീസ് അറിയിച്ചു.
