കൂത്തുപറമ്പ്: കൂത്തുപറമ്പ് പഴയനിരത്ത് കേരള കളരി സംഘത്തിൻ്റെ ആഭിമുഖ്യത്തിൽ സംഘടിപ്പിക്കുന്ന കളരി പരിശീലനത്തിന് തുടക്കമായി. എക്സൈസ് ഇൻ്റലിജൻസ് ആൻ്റ് ഇൻവെസ്റ്റിഗേഷൻ ബ്യൂറോ ഇൻസ്പെക്ടർ കെ. ഷാജി ഉദ്ഘാടനം ചെയ്തു.
ഫ്ലവേഴ്സ് ടോപ് സിംഗർ ഫെയിം സാഗരിക മുഖ്യാതിഥിയായിരുന്നു. ഷിജു കല്യാടൻ അധ്യക്ഷത വഹിച്ചു..
നഗരസഭ സ്റ്റാൻ്റിങ്ങ് കമ്മിറ്റി ചെയർമാൻ ലിജി സജേഷ്, പരിശീലകൻ മധു ഗുരുക്കൾ, ടി.കെ അനീഷ്, മിഥുൻ മുകുന്ദൻ, റിജേഷ് പി. കെ ശേഖരൻ, പി. ബിവീഷ് തുടങ്ങിയവർ സംസാരിച്ചു. തെക്കൻ, വടക്കൻ മുറകളിലെ മെയ്ത്താരി, കോൽത്താരി, അങ്കത്താരി എന്നിവയിലാണ് 3 മാസക്കാലം പരിശീലനം നൽകുന്നത്.
