കൂത്തുപറമ്പ് :പഴയനിരത്ത് ശ്രീനാരായണ ഗുരു സേവാ സംഘം, കൂത്തുപറമ്പ് ലയൺസ് ക്ലബ്ബ്, ആമ്പിലാട് ഷറഹുൽ ഇസ്ലാം മുസ്ലിം ജമാ അത്ത് കമ്മിറ്റി പഴയനിരത്ത് എന്നിവ 24ന് പഴയനിരത്ത് ശ്രീനാരായണ ഗുരു സ്മാരക കല്യാണ മണ്ഡ പത്തിൽ മെഗാ മെഡിക്കൽ ക്യാമ്പ് സംഘടിപ്പിക്കും.
കോയമ്പത്തൂർ അരവിന്ദ് ആശുപത്രി, ജില്ലാ ക്യാൻസർ കെയർ സൊസൈറ്റി, മിംസ് ആശുപത്രി, ഗ്രേയ്‌സ് ആശുപത്രി ഇവിടങ്ങളിലെ ഡോക്ടർമാർ പരിശോധിക്കും. അർബുദ രോഗ നിർണയം, നേത്ര പരിശോധന, തിമിര നിർണയം, ജനറൽ മെഡിസിൻ, രക്തഗ്രൂപ്പ് നിർണയം എന്നിവ നടക്കും.
