കണ്ണൂർ: അയ്യൻകുന്ന് ഗ്രാമപഞ്ചായത്തിൽ കരിക്കോട്ടക്കരി ടൗണിൽ കാട്ടാനയിറങ്ങി. വനംവകുപ്പിൻറെ വാഹനത്തിനുനേരെ പാഞ്ഞടുത്ത കുട്ടിയാന അൽപനേരം അക്രമാസക്തനായി. റോഡിൽനിന്ന് തുരത്തിയ ആന തൊട്ടടുത്ത റബർ തോട്ടത്തിലാണ് ഇപ്പോഴുള്ളത്. ആനയെ കാട്ടിലേക്ക് തുരത്താനുള്ള ശ്രമത്തിലാണ് വനംവകുപ്പ് ഉദ്യോഗസ്ഥർ
ജനവാസ മേഖലയിൽ കാട്ടാന ഇറങ്ങിയ സാഹചര്യത്തിൽ പൊതുജനങ്ങൾക്ക് അപകടം ഉണ്ടാകുവാൻ സാധ്യതയുള്ളതിനാൽ ഇന്ന് രാവിലെ 10 മുതൽ നാളെ വൈകുന്നേരം ആറ് വരെ അയ്യൻകുന്ന് ഗ്രാമപഞ്ചായത്ത് വാർഡ് എട്ട് എടപ്പുഴ, വാർഡ് ഒമ്പത് കൂമൻതോട്, വാർഡ് പത്ത് കരിക്കോട്ടക്കരി എന്നിവിടങ്ങളിൽ പൊതുജനങ്ങൾ ഒത്തു കൂടുന്നത് നിരോധിച്ച് ജില്ല കലക്ടർ അരുൺ കെ. വിജയൻ ഉത്തരവിട്ടു.
