ഇരിട്ടി: കുപ്രസിദ്ധ മോഷ്ടാവ് തൊരപ്പൻ സന്തോഷ് കാക്കയങ്ങാട് മേഖലയില്‍ എത്തിയതായി സൂചന ലഭിച്ചതോടെ ജനങ്ങളൊട് ജാഗ്രത പാലിക്കാൻ പോലീസ് നിർദേശം.
ബുധനാഴ്ച ഉച്ചയോടെ തൊരപ്പൻ സന്തോഷ് മുഴക്കുന്ന് ഭാഗത്ത് എത്തിയതായാണ് പോലീസിന് ലഭിച്ച വിവരം. പകല്‍ സ്ഥലം കണ്ടെത്തി രാത്രിയില്‍ മോഷണം നടത്തുന്നതാണ് തൊരപ്പന്‍റെ രീതി.
ഭിത്തി തുരന്ന് അകത്തു കയറി മോഷണം നടത്തുന്നതു കൊണ്ടാണ് ഇയാള്‍ തൊരപ്പൻ എന്ന പേരില്‍ അറിയപ്പെടുന്നത്.
വെള്ളർവള്ളി നരസിംഹ മൂർത്തി ക്ഷേത്രത്തിലടക്കം നിരവധി സ്ഥലങ്ങളില്‍ മോഷണം നടത്തിയിട്ടുള്ള സന്തോഷ് ജാമ്യത്തില്‍ ഇറങ്ങിയതാണ്. ഇയാളെ തിരിച്ചറിയുന്നവർ അടിയന്തരമായി മുഴക്കുന്ന് പോലീസ് സ്റ്റേഷനില്‍ വിവരം അറിയിക്കുക. ഫോണ്‍: 0490 2458200.
