പതിനഞ്ചുകാരനെ പ്രകൃതിവിരുദ്ധ പീഡനത്തിന് ഇരയാക്കിയ കേസിൽ വയോധികന് 33 വർഷം തടവും 31,000 രൂപ പിഴയും ശിക്ഷ. സി. മോഹനന് (69) ആണ് കണ്ണൂർ ഫാസ്റ്റ്ട്രാക്ക് സ്പെഷൽ ജഡ്‌ജ് എം.ടി. ജലജ റാണി ശിക്ഷ വിധിച്ചത്. പിഴ അടച്ചില്ലെങ്കിൽ 7 മാസം കൂടി തടവ് അനുഭവിക്കണം. 2018 ഏപ്രിൽ 26നാണ് കേസിനാസ്പദമായ സംഭവം.
മുരിങ്ങേരി ആലക്കൽ റോഡിലെ സ്വന്തം സ്‌ഥാപനത്തിൽ വെച്ച് ഇയാൾ കുട്ടിയെ പീഡിപ്പിക്കുകയായിരുന്നു. ചക്കരക്കൽ ഇൻസ്പെക്ടർ കെ.വി. പ്രമോദനും എസ്.ഐ. സുമേഷും ചേർന്നാണ് കേസ് അന്വേഷിച്ചത്. പ്രോസിക്യൂഷന് വേണ്ടി സ്പെഷൽ പബ്ലിക്ക് പ്രോസിക്യൂട്ടർമാരായ കെ.പി. പ്രീതകുമാരി, ഭാസുരി എന്നിവർ ഹാജരായി.
