മട്ടന്നൂർ: ശിവപുരം മൊട്ടഞ്ചാലില്‍ യുവാവ് വീട്ടു കിണറ്റില്‍ വീണു മരിച്ചു. മരുവഞ്ചേരിയിലെ മാവില അനീഷാണ് (45) വീട്ടിലെ കിണറ്റില്‍ വീണു മരിച്ചത്. ബുധനാഴ്ച രാത്രി എട്ടോടെ ജോലി കഴിഞ്ഞ് വീട്ടിലേക്ക് പോകവെ അബദ്ധത്തില്‍ വീട്ടുകിണറ്റില്‍ വീഴുകയായിരുന്നു.
മട്ടന്നൂരില്‍ നിന്ന് ഫയർഫോഴ്സ് സ്ഥലത്തെത്തി പുറത്തെടുത്ത് ഉരുവച്ചാലിലെ സ്വകാര്യ ആശുപത്രിയില്‍ എത്തിച്ച്‌ പ്രഥമ ചികിത്സ നല്‍കി തലശ്ശേരി ഇന്ദിരാഗാന്ധി ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല.
മട്ടന്നൂരിലെ ബേക്കറിയിലെ ജീവനക്കാരനായിരുന്നു. ഗോപാലൻറെയും സരോജിനിയുടെയും മകനാണ്. സഹോദരങ്ങള്‍: ഷൈനി, റീന, ഷൈമ.
