കണ്ണവം: കണ്ണവം തൊടീക്കളം ശ്രീ നീലകണ്ടി ഭഗവതി ക്ഷേത്രത്തിലെ കിണർ പുനർനിർമ്മാണത്തിനിടെ വർഷങ്ങൾ പഴക്കമുള്ള ദാരു വിഗ്രഹവും പുരാതന ഉപകരണങ്ങളും കണ്ടെത്തി [00:00]. ഞായറാഴ്ച വൈകുന്നേരത്തോടെയാണ് വിഗ്രഹത്തിനൊപ്പം പഴയകാലത്തെ ചട്ടുകം, കത്തി തുടങ്ങിയവയും കിണറ്റിൽ നിന്നും ലഭിച്ചത്.
.jpg)
മലബാർ ദേവസ്വം ബോർഡിന്റെ 2023-24 വർഷത്തെ ഗ്രാന്റ് ഉപയോഗിച്ച് കിണർ നവീകരിക്കുന്നതിനിടെയാണ് ഈ സുപ്രധാന കണ്ടെത്തൽ ഉണ്ടായത്. മുൻപ് ഇവിടെ പൂജാകർമ്മങ്ങൾ നടന്നിരുന്നെങ്കിലും ഇടക്കാലത്ത് മുടങ്ങിപ്പോയിരുന്നു. പിന്നീട് നാട്ടുകാർ കമ്മിറ്റി രൂപീകരിച്ച് പുനരുദ്ധാരണ പ്രവർത്തനങ്ങൾ ആരംഭിക്കുകയായിരുന്നു. അന്ന് വിഗ്രഹം കണ്ടെത്താൻ കഴിയാത്തതിനെ തുടർന്ന് പുതിയ വിഗ്രഹം നിർമ്മിക്കാൻ തീരുമാനിച്ചിരുന്നെങ്കിലും അത് പൂർത്തിയായിരുന്നില്ല.
കണ്ടെത്തിയ വിഗ്രഹം പഴയകാലത്ത് ക്ഷേത്രത്തിൽ ഉപയോഗിച്ചിരുന്നതാണെന്ന് തന്ത്രിയും മേൽശാന്തിയും സ്ഥിരീകരിച്ചിട്ടുണ്ട്.വിഗ്രഹം നിലവിൽ ക്ഷേത്രത്തിലെ പാട്ടുപുരയിൽ സുരക്ഷിതമായി സൂക്ഷിച്ചിരിക്കുകയാണ്. വിവരം അസിസ്റ്റന്റ് കമ്മീഷണറെ ഫോൺ മുഖേന അറിയിച്ചിട്ടുണ്ടെന്നും ഔദ്യോഗികമായി കത്തുനൽകുമെന്നും ക്ഷേത്ര ട്രസ്റ്റ് ബോർഡ് ചെയർമാൻ ചന്ദ്രൻ തൈപ്പറമ്പ് അറിയിച്ചു
