മട്ടന്നൂർ:ലഹരിസംഘങ്ങളെയും സാമൂഹ്യവിരുദ്ധരെvയും അടിച്ചമർത്താൻ സംസ്ഥാനവ്യാപകമായി പോലീസ് നടത്തുന്ന പ്രത്യേക പരിശോധനയായ ‘ഓപ്പറേഷൻ തൂഫാൻ’ (Operation Toofan) മട്ടന്നൂരിലും ശക്തം. മട്ടന്നൂർ ഇൻസ്പെക്ടറുടെ നേതൃത്വത്തിൽ പോലീസ് നടത്തിയ വ്യാപക റെയ്ഡിൽ മയക്കുമരുന്ന് ഉപയോഗിക്കാൻ ഉപയോഗിക്കുന്ന വിവിധ തരത്തിലുള്ള ഉപകരണങ്ങളും നിരോധിത ഇ-സിഗരറ്റുകളും (E-Cigarettes) പിടിച്ചെടുത്തു.
ലഹരിവസ്തുക്കളുടെ വിൽപ്പനയും ഉപയോഗവും തടയുന്നതിന്റെ ഭാഗമായി ടൗണിലും പരിസരപ്രദേശങ്ങളിലുമുള്ള സംശയാസ്പദമായ കേന്ദ്രങ്ങളിലാണ് പോലീസ് പരിശോധന നടത്തിയത്. വരും ദിവസങ്ങളിലും പരിശോധന കർശനമായി തുടരുമെന്നും ലഹരി മാഫിയകൾക്കെതിരെ ശക്തമായ നിയമനടപടികൾ സ്വീകരിക്കുമെന്നും മട്ടന്നൂർ പോലീസ് അറിയിച്ചു.
