കതിരൂർ: ചുണ്ടങ്ങാപ്പൊയിലിലെ കതിരൂർ പബ്ലിക്ക് വെൽ ഫെയർ കോ-ഓപ്പറേറ്റീവ് സൊസൈറ്റി എസ്. എസ്എൽ.സി, പ്ലസ് ടു പരീക്ഷയിൽ മുഴുവൻ വിഷയങ്ങളിലും എ പ്ലസ് നേടിയ സൊസൈറ്റി എ ക്ലാസ്സ് മെമ്പർമാരുടെ മക്കളെ അനുമോദിച്ചു.
പാനൂർ നഗരസഭ ഉപാധ്യക്ഷൻ ടി എം ബാബുരാജ് മാസ്റ്റർ ഉദ്ഘാടനം ചെയ്തു എരഞ്ഞോളി ഗ്രാമ പഞ്ചായത്ത് മെമ്പർ സുശീൽ ചന്ദ്രോത്ത് ഉപഹാര സമർപ്പണം നടത്തി. സൊസൈറ്റി പ്രസിഡണ്ട് എ പ്രേമരാജൻ മാസ്റ്റർ അധ്യക്ഷത വഹിച്ചു.
കെ.കെ നാരായണൻ മാസ്റ്റർ, എൻ ഹരീന്ദ്രൻ, എൻ ഭാസ്കരൻ മാസ്റ്റർ, ജി.വി.രാകേശ് എന്നിവർ ആശംസാ പ്രസംഗം നടത്തി. ഡയറക്ടർ പി.വി പ്രദീപ് കുമാർ സ്വാഗതവും സെക്രട്ടരി പി. ജനിഷ നന്ദിയും രേഖപ്പെടുത്തി.
