ഇരിട്ടി: കർണാടകയില്‍ നിന്ന് കേരളത്തിലേക്കു കാറില്‍ കടത്തുകയായിരുന്ന കഞ്ചാവുമായി യുവാവ് അറസ്റ്റില്‍. ശിവപുരം കാഞ്ഞിലേരി സ്വദേശി പി.വി. നസീറിനെയാണ് (45) ഇരിട്ടി എക്സൈസ് സംഘം പിടികൂടിയത്.
കാറിന്‍റെ അടിഭാഗത്ത് ഡിക്കിക്ക് സമീപമായി ഒളിപ്പിച്ച നിലയില്‍ 10 കിലോ കഞ്ചാവ് എക്സൈസ് പിടിച്ചെടുത്തു. ഇന്നലെ രാവിലെ ഒമ്പതോടെ എക്സൈസ് എൻ‌ഫോഴ്സ്മെന്‍റ് ആൻഡ് നാർക്കോട്ടിക് സ്ക്വാഡ് ഇൻസ്പെക്ടർ സി. ഷാബുവിന്‍റെ നേതൃത്വത്തിലുള്ള സംഘമാണ് പ്രതിയെ പിടി കൂടിയത്. കർണാടകയില്‍ ഹോട്ടല്‍ വ്യാപാരിയാണ് നസീർ.
