എടക്കാട്: കടം കൊടുത്ത പണം തിരിച്ചു ചോദിച്ചതിന് യുവാവിനെ രണ്ടംഗ സംഘം മർദ്ദിച്ചു. ആദികടലായി ശ്രീകൃഷ്ണ ക്ഷേത്രത്തിനു സമീപത്തെ എം. സ്മിജോ (36) യുടെ പരാതിയിലാണ് സജീർ , ഇയാളുടെ ബന്ധു അജീർ എന്നിവർക്കെതിരെ എടക്കാട് പോലീസ് കേസെടുത്തത്. ഈ മാസം 20 ന് 11.30 മണിക്കാണ് സംഭവം. ഒന്നാം പ്രതിയോട് വായ്പ കൊടുത്ത പണം തിരിച്ചു ചോദിച്ച വിരോധത്തിൽ മുഴപ്പിലങ്ങാട് പാം ഷോർ ബീച്ച് റോഡിന് സമീപം വെച്ച് തടഞ്ഞു വെച്ച് പ്രതികൾ മർദ്ദിച്ചുവെന്ന പരാതിയിലാണ് പോലീസ് കേസെടുത്തത്.
