ഡ്യൂക്ക് ബൈക്കിന്റെ എയര്‍ ഫില്‍റ്ററിനുള്ളില്‍ കടത്തുകയായിരുന്ന എം.ഡി.എം.എയുമായി യുവാവിനെ പിടികൂടി. ശ്രീകണ്ഠപുരം നിടിയേങ്ങ സ്വദേശി അമൃതിനെ (28) ആണ് ഇരിട്ടി എസ്.ഐ എം.ജെ.ബെന്നിയും റൂറല്‍ ജില്ലാ പോലീസ് മേധാവിയുടെ കീഴില്‍ പ്രവര്‍ത്തിക്കുന്ന ഡാന്‍സാഫ് ടീമും ചേര്‍ന്ന് പിടികൂടിയത്. 18.639 ഗ്രാം എം.ഡി.എം.എ ഇയാളില്‍ നിന്ന് പിടിച്ചെടുത്തു.
ഇന്നലെ വൈകുന്നേരം 5.40 നാണ് കൂട്ടുപുഴയില്‍ വെച്ച് വാഹനപരിശോധനക്കിടെ അമൃത് പിടിയിലായത്. താല്‍ക്കാലിക രജിസ്‌ട്രേഷന്‍ ബൈക്കിലാണ് ഇയാള്‍ ബംഗളൂരുവില്‍ നിന്നും എം.ഡി.എം.എ കടത്തിയത്.