കൂത്തുപറമ്പ്: കേരള വ്യാപാരി വ്യവസായി ഏകോപന സമിതി കൂത്തുപറമ്പ് മേഖല കൗൺസിൽ യോഗവും പുതിയ ഭാരവാഹികളുടെ തിരഞ്ഞെടുപ്പും സംഘടിപ്പിച്ചു. കൂത്തുപറമ്പ് വ്യാപാര ഭവനിൽ വെച്ച് നടന്ന ചടങ്ങ് സംഘടനയുടെ സംസ്ഥാന വൈസ് പ്രസിഡന്റും ജില്ലാ പ്രസിഡന്റുമായ ദേവസ്യ മേച്ചേരി ഉദ്ഘാടനം ചെയ്തു.
വ്യാപാര മേഖല നേരിടുന്ന വിവിധ പ്രതിസന്ധികളെക്കുറിച്ചും ഭാവി പ്രവർത്തനങ്ങളെക്കുറിച്ചും യോഗത്തിൽ വിശദമായ ചർച്ച നടന്നു. മേഖലയിലെ മുതിർന്ന വ്യാപാരി നേതാക്കളും വിവിധ യൂണിറ്റ് ഭാരവാഹികളും യോഗത്തിൽ പങ്കെടുത്തു. തുടർന്ന് അടുത്ത പ്രവർത്തന വർഷത്തേക്കുള്ള പുതിയ മേഖല ഭാരവാഹികളെ തിരഞ്ഞെടുക്കുകയും ചെയ്തു.
